This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

10.732   திருமூலர்   திருமந்திரம் -

ஆக மதத்தன ஐந்து களிறுகள் ஆக மதத்தறி யோடணை கின்றில பாகனும் எய்த்தவை தாமும் இளைத்தபின் யோகு திருந்துதல் ஒன்றறி யோமே.	[ 1]
கருத்தின்நன் னூல்கற்றுக் கால்கொத்திப் பாகன் திருத்தினும் பாய்மாத் திகைத்தன்றிப் பாயா(து) எருத்துற ஏறி யிருக்கிலும் ஆங்கே வருத்தினும் அம்மா வழிநட வாதே.	[ 2]
புலம்ஐந்து புள்ஐந்து புள்சென்று மேயும் நிலம்ஐந்து நீர்ஐந்து நீர்மையும் ஐந்து குலம்ஒன்று கோல்கொண்டு மேய்ப்பான் ஒருவன் உலமந்து போம்வழி ஒன்பது தானே.	[ 3]
அஞ்சுள சிங்கம் அடவியில் வாழ்வன அஞ்சும்போய் மேய்ந்துதம் அஞ்சக மேபுகும் அஞ்சின் உகிரும் எயிறும் அறுத்திட்டால் எஞ்சா திறைவனை எய்தலும் ஆமே.	[ 4]
ஐவர் அமைச்சருள் தொண்ணூற் றறுவர்கள் ஐவர்உம் மைந்தரும் ஆளக் கருதுவர் ஐவரும் ஐந்து சினத்தோடே நின்றிடில் ஐவர்க் கிறையிறுத் தாற்றகி லோமே.	[ 5]
Go to top
சொல்லகில் லேன்சுடர்ச் சோதியை நாடொறும் சொல்லகில் லேன்திரு மங்கையும் அங்குள வெல்லகில் லேன்புலன் ஐந்துடன் தன்னையும் கொல்லநின் றோடும் குதிரையொத் தேனே.	[ 6]
எண்ணிலி இல்லி யுடைத்தவ் விருட்டறை எண்ணிலி இல்லியோ டேகிற் பிழைதரும் எண்ணிலி இல்லியோ டேகாமை காக்குமேல் எண்ணிலி இல்லத்தோர் இன்பம தாமே.	[ 7]
விதியின் பெருவலி வேலைசூழ் வையம் துதியின் பெருவலி தொல்வான் உலகம் மதியின் பெருவலி மானுடர் வாழ்க்கை நிதியின் பெருவலி நீர்வலி தானே.33,	[ 8]

Thevaaram Link  - Shaivam Link
Other song(s) from this location:
This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song